dec 16 2007
Pre-Nadais: Unha locura
Bo, só comentar que as pre-Nadais son moi estresantes, tantas cousas que facer en tan pouco tempo. E iso que unha é previsora e xa ten comprado algúns agasallos en novembro, pero aínda así píllame o touro, este ano coas postais do Nadal: “Quen moito abarca, pouco aperta”, pero sempre acabo saíndo de todas as lameiras nos que me meto, máis tarde ou máis cedo.
Para facervos máis doce a espera, mentres non fago ningunha entrada de verdade ou algún comentario máis ou menos interesantes noutros blogs que leo, déixovos un vídeo de “Luar na Lubre” que vin no programa “Miraxes” da Galega, gustoume tanto que quero compartilo convosco.
Tamén recordarvos que nestes Nadais compredes música galega, é unha boa opción para calquera bo agasallo. Biquiños……
Esa canción é unha marabilla.
Que o estrés remate con ben.
Son un namorado deste grupo, teño varios discos deles e tamén cheguei a coñecelos e falar con eles en varias ocasións, Bieito Romero é un grande músico e un home extraordinario, moi namorado da súa terra e moi comprometido con ela, agora con Sara Vidal non tiven a sorte de falar nunca, xa comentei no meu blog o da súa incorporación ao grupo hai tempo
http://breo.blogaliza.org/archives/227
paréceme que ten unha fermosa voz e que ao mellor un troco de solista deulle un pouco de frescura ao grupo, inda que Rosa Cedrón tiña tamén unha voz alucinante.
Un saúdo Carmiña e parabéns polo post, fantástico.